काठमाडौं २६ माघ । यही बैशाख ३० गते हुने भनिएको स्थानीय तह निर्वाचनको लागि निर्वाचन आयोगले सवारी साधन र मतपेटिका नकिन्ने भएको छ ।
आयोगले १२ अबै रुपैंया खर्च लाग्ने अनुमान गरेपनि सवारी साधन र मतपेटिकाको लागि भने बजेट नछुट्याएको जनाएको छ ।
आयोगका प्रवक्ता शालिग्राम शर्मा पौडेलले दिएको जानकारी अनुसार नयाँ सवारी साधन खरिदका लागि बजेट नछुट्याएको र दातृ निकायले सवारी साधन दिने हो भने मात्र त्यसलाई स्विकार गर्ने बताएका छन् ।
तथापी , निर्वाचन प्रयोजनकै लागि भने आयोगले सवारी साधन खरिद नगर्ने जनाएको छ ।
साथै २०७४ सालको स्थानीय तहको निर्वाचनमा खरिद गरिएका मतपेटिका आयोगसँग मौज्दातमा रहेकाले यस पटक मत पेटिका पनि नकिन्ने आयोगले जनाएको छ ।
