काठमाडौं १८ माघ । नेपाली कांग्रेसका महामन्त्री गगन थापाले केही दिनभित्रै नेपाल विद्यार्थी संघको महाधिवेशन गराउनेबारे पार्टीले आवश्यक निर्णय लिने जानकारी दिएका छन् ।
मंगलबार नेवि संघका नेता, कार्यकर्तासँग पार्टी कार्यालय सानेपामा भएको भेटमा महामन्त्री थापाले यस्तो जानकारी गराएका हुन् ।
उनले नेविसंघको महाधिवेशनबारे आवश्यक निर्णय लिन शुक्रबार नै पार्टी केन्द्रीय कार्य सम्पादन समितिको बैठक बस्ने जानकारी समेत दिएका छन् ।
उनले शैक्षिक गतिविधिलाई प्रभावकारी बनाउन नेविसंघका नेताहरूले महाधिवेशन छिटो सम्पन्न गर्न समेत आग्रह गरेका छन् ।
