काठमाडौं १८ माघ । काठमाडौं महानगरपालिकाले ठुलो संख्यामा कर्मचारी माग गरेको छ ।
गरिब परिवार पहिचान तथा परिचयपत्र वितरण सर्वेक्षणका लागि महानगरपालिकाले कुल २३१ जना कर्मचारी करारमा माग गरेको हो । जसमा करार सेवामा २१ जना सुपरीवेक्षक र २१० जना गणक माग गरिएको छ ।
यसको लागि १८ वर्ष पूरा भई ४० वर्ष ननाघेका र आवश्यक न्युनतम योग्यता पुगेका व्यक्तिहरुले आवेदन दिन सक्ने महानगरले जारी गरेको सुचनामा जनाइएको छ ।
आवेदन भने काठमाडौं महानगरपालिकाको वेबसाइट मार्फत अनलाइन प्रणालीबाट मात्र स्वीकृत हुने बताइएको छ ।
