चाईनिज न्यु ईयर ईभको अवसर पारेर आज नेपाल–चीन बिज्ञ दिनेश खनाल सम्मानित भएका छन् । उनलाई चिनिया राजदुतावास अन्र्तगतको नेपाल ओभरसिज चाइनिज एसोसिएसनले सम्मान गरेको हो । उनलाई एसोसिएसनका तर्फ बाट एसोसिएसन प्रमुख जिन र उप–प्रमुख छन्ले खदा ओढाएर सम्मान पत्र प्रदान गरेका थिए ।
नेपाल–चीन सम्बन्धबीचको उत्कृष्ट परिश्रमका लागि काठमाडौं निवासी खनाललाई प्रमाणपत्र प्रदान गरिएको जनाइएको छ । लामो समय देखि नेपाल-चीन सम्बन्ध विज्ञका रूपमा काम गर्दै आएका खनालले नेपाल र चीनका जनता बीचको सम्बन्ध, सांस्कृतिक सम्बन्ध, सामाजिक र आर्थिक आदानप्रदान लगायतका क्षेत्रमा उल्लेखनिय योगदान पुर्याएको भन्दै एसोसिएसनले काठमाण्डौमा एक कार्यक्रमका बीच सम्मान गरेको जनाएको छ ।
खनालले गरेको प्रयासको एसोसिएसनले प्रशंसा समेत गरेको छ । खनालले लामो समय देखी नेपाल र चीन बीचको सम्बन्धका बारेमा अध्ययन तथा अनुषन्धान गर्दै आईरहेका छन् ।
