काठमाडौं १७ माघ । काठमाडौंबाट अनलाइन जुवा खेल्ने खेलाउने कार्यमा संलग्न रहेको अभियोगमा प्रहरीले ७४ जनालाई पक्राउ गरेको छ ।
महानगरीय प्रहरी परिसर र प्रहरी वृत्त बौद्धबाट संयुक्त रूपमा खटीएको प्रहरी टोलीले बौद्धस्थित एउटै रेस्टुरेन्टबाट आठ महिला सहित ७४ जनालाई पक्राउ गरेको हो ।
प्रहरीले उनीहरुको साथबाट नगद ६ लाख १९ हजार २५० रुपैयाँ बरामद समेत गरेको छ ।
दोलखा घर भई हाल बानेश्वर बस्ने सुभास घिसिङले सञ्चालन गरेको रेस्टुरेन्टबाट पक्राउ परेका निजहरुले अनलाइन एपको प्रयोग गरी जुवा खेल्ने र खेलाउने गरेको खुल्न आएको छ ।
यस विषयमा प्रहरीले थप अनुशन्धान अगाडी बढाएको छ ।
