काठमाडौं १६ माघ । नेकपा माओवादी केन्द्रका अध्यक्ष पुष्प कमल दाहाल प्रचण्डले आज सहिद दिवसको सम्झनामा सम्पूर्ण सहिदप्रति श्रद्धाञ्जली व्यक्त गरेका छन् ।
अध्यक्ष प्रचण्डले आज एक सन्देश मार्फत आज सहिद दिवसको अवसरमा सहिदप्रति श्रद्धाञ्जलि व्यक्त गरेका हुन् । जहानियाँ राणा शासनविरुद्ध प्रजातान्त्रिक शासन व्यवस्थाका लागि जीवन आहुति दिने सहिदप्रति श्रद्धाञ्जलि उनले भनेका छन् ।
देशभर विभिन्न कार्यक्रमका साथ आज सहिद दिवस मनाइँदै छ । सो अवसरमा अन्य नेताहरुले जस्तै प्रचण्डले पनि सहिद शुक्रराज शास्त्री, दशरथ चन्द, धर्मभक्त माथेमालगायत सम्पूर्ण सहिदप्रति श्रद्धाञ्जलि व्यक्त गरेका छन् ।
