यो महासंकटका बेला अग्रपंक्तिमा रहेर खटिरहेका स्वास्थ्यकर्मी माथि दिनहु कुटपीटका घटनाहरु बाहिर आउन थालेका छन् । बिराटनगरमा फेरी एक जना स्वास्थ्यकर्मी कुटीएका हुन् ।
अस्पतालको डिउटी सकेर घर फर्कँदै गर्दा विराटनगरमा प्रहरीबाटै स्वास्थ्यकर्मी कुटिएका हुन् । गए राति साढे ९ बजे अस्पतालबाट घर फर्कँदै गर्दा सिनियर अहेब अशोक राजवंशी कुटिएको बताइएको छ ।
उनलाई सर्वसाधरणले हैन स्यंम जनताको जिउधनको सुरक्षा गर्न बसेको प्रहरीले कुटपीट गरेका हुन् । मोटरसाइकलमा घर जाँदै गर्दा विराटनगरको देवकोटा चोकमा डिउटीमा रहेका दुई जना प्रहरीले उनलाई कुटपिट गरेको बताएका छन् । ‘
परिचय पत्र भिरेर डिउटीबाट घरजादा प्रहरीले बाटोमा रोक्नु भयो,’ उनले भने,‘ स्वास्थ्यकर्मी हुँ भन्दा भन्दै दुई जना प्रहरीले कुटपिट गरे ।’ प्रहरीले कुटपिट गरेका कारण राजवंशीको खुट्टा र घोडामा नीलडाम छ ।
यता सहकर्मी कुटिएपछि विराटनगरमा स्वास्थ्यकर्मी आक्रोशीत बनेका छन् । उनीहरुले आज कोसी अस्पताल विराटनगर परिसरमा प्लेकार्ड सहित कुटपिटको विरोधमा प्रदर्शन गरेकाछन् ।
नेपाल चिकित्सक सङ्घ कोसीको अगुवाइमा प्रदर्शनमा उत्रिएका स्वास्थ्यकर्मीहरुले महामारीमा अग्रपङतीमा खटिएका स्वास्थ्यकर्मीको सुरक्षाको ग्यारेन्टी गर्न माग समेत गरेका छन् ।
