दाङ २७ पौष । कोरोना संक्रमण परिक्षण गर्न हेल्थ डेस्कमा खटिएका पाँच जना स्वास्थ्यकर्मीलाई कोरोना संक्रमण पुष्टि भएको छ ।
भारतबाट नेपाल आउनेहरुको कोरोना परिक्षण गर्न नेपालगञ्जको जमुनाहा नाकाको हेल्थ डेस्कमा खटिएका पाँच जना स्वास्थ्यकर्मीलाई कोरोना संक्रमण पुष्टि भएको हो ।
जिल्ला कोभिड व्यवस्थापन केन्द्र बाँकेका फोकल पर्सन तेजबहादुर वलीले दिएको जानकारी अनुसार अहिले उनीहरुलाई आइसोलेसनमा राखिएको छ ।
आज मात्रै ३ सय ९६ जनाको कोरोना परिक्षण गर्दा ३७ जनाको रिर्पोट पोजेटिभ आएको उनले बताएका छन् । केहि दिन यता भारतमा कोरोना संक्रमणको संख्या ह्रावात्तै बढेपछि नेपाल फर्किनेको संख्या बढेको हो ।
