काठमाडौं २७ पौष । पृथ्वी जयन्ती तथा राष्ट्रिय एकता दिवसका अवसरमा पुर्व राजा ज्ञानेन्द्र शाह सिंहदरबार पुग्दा जनसागर नै उत्रिएको छ ।
पृथ्वीनारायण शाहको शालिकमा माल्यार्पण गर्ने कार्यक्रममा सहभागीहरु हुन सिंहदरबार पुगेका पुर्व राजा ज्ञानेन्द्रले सिंहदरबारको पश्चिम गेट अगाडि रहेको पृथ्वीनारायण शाहको शालिकमा माल्यार्पण गरेका हुन् ।
यसैबिच राजतन्त्र समर्थकहरुले सिंहदरबारको मुलगेटमै ‘गणतन्त्र मुर्दाबाद!’, ‘हाम्रो राजा हाम्रो देश, प्राण भन्दा प्यारो छ’ भन्दै नेपालको राष्ट्रिय झन्डासहित सहभागी नारा लगाएका थिए ।
आज पृथ्वीनारायण शाहको ३०० सय औं जन्मजयन्ती मानइँदै छ । यसअघि राष्ट्रपति विद्यादेवी भण्डारीले पनि पृथ्वीनारायण शाहको शालिकमा माल्यार्पण गरेकी थिइन् ।
