काठमाडौं २३ पौष । एक साताबाट क्रमिक रुपमा बढ्दै गएको कोरोना संक्रमितको संख्या आज बिहिबारकोे तुलनामा ४०० सयले बढेको छ ।
पछिल्लो २४ घण्टामा देशभर ९६८ जनामा संक्रमण पुष्टि हुँदा काठमाडौं उपत्यकामा मात्र ३६९ जनामा संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
योसंगै कुल संक्रमितको संख्या ८ लाख ३१ हजार ५२ पुगेको स्वास्थ्य तथा जनसंख्या मन्त्रालयले जनाएको छ । त्यसैगरी पछिल्लो २४ घण्टामा २ सय ६२ जना संक्रमणमुक्त भएका छन् ।
जसमा काठमाडौंमा मात्र २८४ जना संक्रमितको पुष्टि भएको छ । त्यसैगरी , ललितपुरमा ६२ तथा भक्तपुरमा २३ जना संक्रमितको पुष्टि भएको छ ।
काठमाडौँबाहिर मोरङमा २९, चितवनमा २०, कास्कीमा १३ र दाङमा १५ जनामा संक्रमण पुष्टि भएको छ ।
