काठमाडौं २२ पौष संस्कृति, पर्यटन तथा नागरिक उड्डयनमन्त्री प्रेमबहादुर आलेले नारायणहिटी दरबार संग्रहालय परिसरभित्र व्यापारिक हिसाबले बनाइएको सबै संरचना हटाएरै छाड्ने दावी गरेका छन् ।
मन्त्री आलेले यस विषयमा मन्त्रीस्तरीय वा मन्त्रिपरिषदबाट निर्णय गरेर संरचना हटाएरै छाड्ने दावी गरेका हुन् ।
सदा सदाका लागि संग्रहालय परिसरभित्र कुनै व्यापारिक संरचना राख्न नदिने बताएका उनले बिहिबार प्रधानमन्त्री निवास बालुवाटारमा निजगढ विमानस्थलका विषयमा बसेको सर्वदलीय बैठकपछि पत्रकारहरुसगँ कुरा गर्दै यस्तो बताएका हुन् ।
साथै त्रिभुवन विमान स्थलको विकल्पको रुपमा निजगढ अन्तर्राष्ट्रिय विमानस्थल बन्ने र विमानस्थल नजिकको नदि संरक्षणका साथै टाङ्गीया बस्ती स्थानान्तरण गरिने समेत मन्त्री आलेले बताएका छन् ।
