बर्दिया । बर्दियामा जंगली हात्तीको आक्रमणमा परी ५४ बर्षिया एक महिलाको मृत्यु भएको छ । बर्दियाको राजापुर नगरपालिका वडा नं.-९ बस्ने ५४ बर्षिया धुशिया थारुको जंगली हात्तीको आक्रमणमा परि मृत्यु भएको छ ।
नेपाल भारत पिलर नं. ९२-९३ दशगजा क्षेत्रमा बाख्रा चराउने क्रममा आइतबार, पुस १८ गते करिब दिउँसो १२ बजेको समयमा जंगली हात्तीको आक्रमणमा परि घटना स्थलमा थारुको मृत्यु भएको डिभिजन वन कार्यालय बर्दियाका सूचना अधिकारी तथा सहायक वन अधिकृत द्रोणराज शर्माले जानकारी दिनुभएको हो।
थारुको शब पोष्टमार्टका लागी प्रथामिक स्वास्थ्य केन्द्र राजापुर लगिएको वन कार्यालय बर्दियाले जानकारी दिएको छ ।
