काठमाडौं १८ पौष । नेपाली कांग्रेसका सभापति शेरबहादुर देउवाले तिन जनालाई केन्द्रिय सदस्यमा मनोनित गरेका छन् । पार्टी कार्यालयका मुख्य सचिव कृष्णप्रसाद पौडेलले आइतबार एक विज्ञप्ती जारी गर्दै यसको जानकारी गराएका हुन् ।
केन्द्रिय सदस्यमा मनोनित हुनेमा १४ औं महाधिवेशनमा सभापतिको उम्मेदवारी फिर्ता लिएका कल्याण गुरुङ रहेका छन् । उनले उम्मेदवारी फिर्ता लिएर देउवालाई सघाएका थिए ।
त्यसैगरी अर्का महामन्त्रीमा पराजित नेता प्रदीप पौडेल रहेका छन् । प्रदीप पौडेल र कल्याणकुमार गुरुङ रहेका छन् । तेस्रोमा कर्णाली प्रदेशका मुख्यमन्त्रीसमेत रहेका सहमहामन्त्रीमा पराजित जिवन बहादुर शाही रहेका छन् ।
तिनै नेताहरुलाई सभापति देउवाले पार्टीको विधान, २०१७ (संशोधन सहित) को धारा २१ को उपधारा (१०) बमोजिमकेन्द्रीय सदस्यमा मनोनित गरेका हुन् ।
