काठमाडौं १८ पौष । काठमाडौं, चन्द्रागिरी नगरपालिका-१२ गुर्जुधाराबाट २ किलो ८ सय ग्राम अवैध लागूऔषध गाँजा सहित सोही नगरपालिका-८ मातातिर्थ बस्ने २६ वर्षीय कृष्ण तामाङलाई शनिबार साँझ प्रहरीले पक्राउ गरेको छ ।
पदैल हिँडिरहेका उनलाई महानगरीय प्रहरी प्रभाग बलम्बुबाट खटिएको प्रहरीले जाँच गर्ने क्रममा उक्त गाँजा सहित फेला पारी उनलाई पक्राउ गरेको हो ।
बाँके, जानकी गाउँपालिका-६ रिहार बस्ने १८ वर्षीय किशोरलाई करिब ८ ग्राम अवैध लागूऔषध ब्राउनसुगर जस्तो देखिने पदार्थ सहित शनिबार दिउँसो प्रहरीले पक्राउ गरेको छ ।
जिल्ला प्रहरी कार्यालय बाँकेबाट खटिएको प्रहरीले जाँच गर्ने उनलाई उक्त पदार्थ सहित फेला पारी पक्राउ गरेको हो ।
सुर्खेत, वीरेन्द्रनगर नगरपालिका-६ मंगलगढीबाट करिब ७ सय ५० मिलिग्राम अवैध लागूऔषध ब्राउनसुगर जस्तो देखिने पदार्थ सहित सोही नगरपालिका-९ बस्ने २६ वर्षीय जगत खड्कालाई शनिबार बिहान प्रहरीले पक्राउ गरेको छ ।
विशेष सूचनाका आधारमा जिल्ला प्रहरी कार्यालय सुर्खेत र लागूऔषध नियन्त्रण व्यूरोबाट खटिएको प्रहरीले जाँच गर्ने क्रममा उक्त पदार्थ सहित फेला पारी उनलाई पक्राउ गरेको हो ।
पर्सा, कालिकामाई गाउँपालिका-१ तिनदुबिया बस्ने चुल्हाई साहको घरबाट करिब १५ किलो अवैध लागूऔषध गाँजा शनिबार दिउँसो प्रहरीले बरामद गरेको छ ।
विशेष सूचनाको अधारमा ईलाका प्रहरी कार्यालय पोखरीयाबाट खटिएको प्रहरीले साहको घर तलासी गर्दा उक्त गाँजा फेला पारी बरामद गरेको हो । हाल फरार रहेका साहको खोजी भइरहेको छ ।
यस सम्बन्धमा प्रहरीले थप अनुसन्धान गरिरहेको छ ।
