काठमाडौं १७ पौष । नेकपा माओवादी केन्द्रको आठौं महाधिवेशन अन्र्तगत जारी वन्दसत्र स्थगित भएको छ ।
आज राति अबेरसम्म नयाँ नेतृत्वको लागि निवार्चन कार्यक्रम भएकाले भोली आइतबार दिउँसो १ बजेसम्मका लागि वन्द सत्र स्थगित गरिएको बताएको छ ।
अहिले ८ बजेबाट उम्मेदवारी दर्ता गरिने कार्यतालिका रहेको छ ।
यो पनि…
माओवादी महाधिवेशन : नेतृत्व चयनको लागि आज बेलुका ८ बजेदेखि उम्मेदवारी दर्ता सुरु
काठमाडौं १७ पौष । नेकपा माओवादी केन्द्रको आठौं महाधिवेशन अन्र्तगत आज बेलुका ८ बजेदेखि उम्मेदवारी दर्ता हुने भएको छ ।
नयाँ नेतृत्व चयनको लागि हुने निर्वाचनमा मतदाता नामावली समेत निवार्चन आयोगले प्रकाशित गरिसकेको छ । अहिले ८ बजेबाट बाट साढे ८ बजेसम्म उम्मेदवारी दर्ताको समय तोकिएको छ ।
केन्द्रीय निर्वाचन आयोगका संयोजक विष्णुपुकार श्रेष्ठले निर्वाचन कार्यक्रमको कार्यतालिका सार्वजनिक गरेका छन् । जसमा उम्मेदवारको विरोधमा उजुरीको सूचना दिने, ८: ४० देखि ९ बजेसम्म उजुरीउपर छानबिन र निर्णय गरिने समय तोकिएको छ ।
साथै ९:१० बजे उम्मेदवारको नामावली पुनस् प्रकाशन तथा ९ :३० देखि ११ बजेसम्म उम्मेदवारको नाम फिर्ता लिने समय दिइएको छ ।
यसैगरी राति ११ : १५ बजे उम्मेदवारको अन्तिम नामावली प्रकाशन गरी ११: ३० देखि राति ४ बजेसम्म मतदानको समय निर्धारण गरिएको छ ।
