काठमाडौं १७ पौष । गाडीको ठक्करबाट एक जना पैदल यात्रुको ज्यान गएको छ ।
अंग्रेजी नयाँ बर्षको अवसरमा आयोजना पोखरामा आयोजना गरिएको सडक महोत्सवमा रक्सी सेवन गरेर लेखनाथका २९ वर्षीय चालक सुवास विकले चलाएको ग २ च १११८ नम्बरको हाइलक्सले ठक्कर दिँदा पैदलयात्रीको ज्यान गएको हो ।
ज्यान गुमाउनेमा स्याङजा फेदीखोलाका ४० वर्षीय सुनिल गुरुङ रहेका छन् । राती सवा १ बजे सडक महोत्सवबाट फर्किने क्रममा विकले चलाएको गाडीको ठक्करबाट गुरुङको ज्यान गएको जिल्ला प्रहरी कार्यालय कास्कीले जनाएको छ ।
घटना पछि गम्भिर अवस्थामा फेला परेको उनको उपचारको क्रममा ज्यान गएको हो । साथै विकले चलाएको गाडीले आधादर्जन भन्दा बढी पाकिङ गरेका कार, स्कुटरमा सवार यात्रु समेत ठक्कर दिएको छ ।
स्कुटरमा सवार पोखरा काहुँखोलाकी सरिना बरालको खुट्टा भाँचिएको अवस्थामा अस्पतालमा उपचार भइरहेको पनि प्रहरलिे जनाएको छ ।
