काठमाडौं १७ पौष । नेकपा (एकीकृत समाजवादी)पार्टीका अध्यक्ष माधवकुमार नेपालले आफ्नो पार्टीले इमान्दारिता पूर्वक काम गर्ने प्रतिबद्धता गरेको बताएका छन् ।
शनिबार तनहुँको दमौलीमा आयोजित एक कार्यक्रममा अध्यक्ष नेपालले आफ्नो पार्टी तारा जस्तै चम्किएको बताउँदै यस्तो बताएका हुन् ।’हाम्रो पार्टी नेपालको राजनीतिमा तारा जस्तै चम्किन्छ ।’नेपालले भने ।
आफ्नो पार्टीमा युवा, महिला, आदिवासी, जनजाति लगायत सबै उत्साहित भएको भन्दै उनले इमान्दारिता र जनताप्रति समर्पणको भावनाबाट आफ्नो पार्टी ओतप्रोत भएको समेत बताएका छन् ।
समाजवादको बाटोमा अगाडि बढेर देशलाई समृद्धिको दिशामा हिँडाउने सङ्कल्प लिएको बताएका उनले भने,’गरिबी, अभाव, पछौटेपन अन्त्य, बेरोजगारी अन्त्य, कृषिको विकास, किसानको जीवनस्तर सुधारेर देशलाई अगाडि बढाउने सङ्कल्प लिएका छौँ ।’
