इटालीमा ८० वर्षीय पुरुषले आफ्नी ६१ वर्षीया श्रीमतीको छुरा प्रहार गरी हत्या गरेका छन् । पुरुषले यौनसम्पर्क अघि भीयाग्रा लिएका थिए तर श्रीमतीले सम्बन्ध राख्न मानिन् । यसबाट रिसाएर उनले श्रीमतीको ज्यान लिए । ‘डेली मेल’ को रिपोर्ट अनुसार हत्याको आरोप लागेका व्यक्तिको नाम भिटो कांगिनी हो ।
क्रिसमसको दिन उनकी श्रीमती नतालिया किरिचोकले उनीसँग सम्बन्ध राख्ने वाचा गरेकी थिइन् तर भिटोले भियाग्रा लिएपछि पत्नीले अचानक सम्बन्ध राख्न अस्वीकार गरिन् ।यही विषयमा भिटो र नतालियाबीच झगडा सुरु भयो । आफ्नी श्रीमतीभन्दा करिब २० वर्ष जेठी भिटोले उनलाई आफ्नो मालिकसँग नजिक भएको आरोप लगाएका थिए ।
त्यसपछि झगडा यति बढ्यो कि भिटोले नतालियालाई छुरी प्रहार गरी हत्या गरे । रिपोर्टका अनुसार भिटोले छुरा प्रहार गरेपछि आफ्नी श्रीमतीको रगतले लतपतिएको शरीर भुइँमा छोडेर बेडरुममा गएर सुते । भोलिपल्ट बिहान उठेर, उसले कथित रूपमा बिहानको खाजा खायो, आफ्नो कुकुरलाई घुम्न लिएर गयो र त्यसपछि आफ्नो काम गर्न घर फर्कियो, मानौं केही भएको छैन जस्तै गरि।
दिउँसो उसले रेस्टुरेन्टमा फोन गर्यो जहाँ आफ्नी श्रीमतीले दुई वर्षसम्म शेफको रूपमा काम गरेकी थिइन् र उसले नतालियालाई फेरि कहिल्यै नभेट्ने कुरा आफ्नो मालिकलाई भन्यो। भिटोले आफ्नी श्रीमतीको हाकिमलाई भन्छन्- मलाई थाहा छ तपाईंहरू बीच केही चलिरहेको थियो। त्यसपछि रेस्टुरेन्ट मालिकले पुलिसलाई बोलाए, जसले भिटोको घर खानतलासी गर्यो । प्रहरीले नतालियाको शव घरबाट फेला पारेको थियो । उनको शरीरमा धेरै घाउ थिए । हाल भिटो पक्राउ परेका छन्, अनुसन्धान भइरहेको छ ।
