काठमाडौं १४ पौष । नेपालमा पछिल्लो २४ घण्टामा थप २२० जनामा कोरोना भाइरस संक्रमण पुष्टि भएको छ ।योसँगै नेपालमा कोरोना संक्रमितको संख्या ९ लाख २४ हजार १ सय ७५ पुगेको छ ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशभर गरिएको ६ हजार ३ सय ३३ पीसीआर परीक्षणका क्रममा २०९ जना र १ हजार १ सय ७५ एन्टिजेन परीक्षणका क्रममा ११ जना गरी २२० जनामा संक्रमण पुष्टि भएको छ ।
यसैगरी पछिल्लो २४ घण्टामा २५३ जना संक्रमणमुक्त भएका भने २ जनाको ज्यान गएको छ ।
यो संगै नेपालका कोरोनाबाट ज्यान गुमाउनेको संख्या ११ हजार ५ सय ९० जना पुगेको छ ।
