गएको बिहीबार साँझ अस्थायी प्रहरी चौकी धरानमा आक्र मण गर्नेहरु पक्राउ परेका छन् । केही भने पक्राउ पर्न बाँकि रहेका छन् । घटनामा संलग्न ३ जना युवाहरू पक्राउ परिसकेको प्रहरी स्रोतले जनाएको छ ।
घटनाका मुख्य नाइके पक्राउ परिसकेको दाबी गरिए पनि उनको र अन्य पक्राउ परेकाहरुको नाम खुलाइएको छैन । घटना घटेकै समयमा प्रहरी चौकीमा धम्की दिएको भन्दै आई पुगेका दुई युवालाई प्रहरीले नियन्त्रणमा लिएर अनुसन्धान सुरु गरेको थियो ।
केही प्रगति भएको भनिएको सो घटनाको प्रहरीले गम्भीरताका साथ अनुसन्धान जारी रहेको र थुप्रै युवाहरू संलग्न भएकाले केहीलाई पक्राउ गरिएको भए पनि उनीहरूको बारेमा प्रहरीले केही भनेको छैन ।
इलाका प्रहरी कार्यालय धरानका प्रहरी निरीक्षक हेमराज ओलीले घटनाअनुसन्धानकै क्रममा रहेकोले अहिले सम्मको विवरण नभनिएको र केही प्रगति प्रहरीले गरेको दाबी गरेका छन् ।
