काठमाडौं १२ पौष । कर्तव्य ज्यान मुद्दामा डिल्लीबजार कारागारमा कैद भुक्तान गरिरहेका निलम्बित सांसद रेशमलाल चौधरीले नयाँ दल दर्ता गर्ने भएका छन् ।
यही पौष १९ गते नागरिक समाजवादी पार्टी नामक नयाँ दल दर्ता गर्ने चौधरीले जनाएका छन् ।
थरूहट क्षेत्रलाई आधारभूमि बनाएर दर्ता गर्न लागिएको उत्तः दलको चुनाव चिन्ह भने ढकिया राखिने निकट स्रोतले जनाएको छ ।
पार्टीमा थारु र पहाडीहरु सबैलाई समावेशी गरिने बताइएको छ साथै २०१ जनाको केन्द्रीय सदस्य रहनेगरि यो दल निर्वाचन आयोगमा दर्ता गरिन लागेको बताइएको छ ।
दल दर्ताको लागि बाजागाजासहित नेता तथा कार्यकर्ताहरु निर्वाचन आयोग जाने तयारमिा समेत भएको बुझिएको छ ।
