काठमाडौं १२ पौष । नेकपा माओवादी केन्द्रको जारी आठौं महाधिवेशनको बन्द सत्रमा १५ सदस्यीय पदाधिकारीको व्यवस्था गरिएको छ ।
बन्द सत्रमा स्थायी समिति सदस्य देवप्रसाद गुरुङले विधान मस्यौदा प्रस्तुत गर्दै १५ जना पदाधिकारी र २९९ जना सदस्यीय हुने जनाएका हुन् ।
गुरुङले प्रस्तुत गरेका विधान मस्यौदा अनुसार एक अध्यक्ष, एक वरिष्ठ उपाध्यक्ष, छ उपाध्यक्ष, एक महासचिव, दुई उपमहासचिव, तीन सचिव र कोषाध्यक्षसहित १५ सदस्यीय पदाधिकारी रहने भएका छन् ।
केन्द्रिय सदस्यसमितिमा १० प्रतिशत मनोनीत गर्न सकिने प्रस्ताव पनि गुरुङले राखेका छन् ।
