बंगलादेशमा आयोजना भएको साफ यू १९ महिला फुटबल च्याम्पियनसिपमा फाइनल पुग्न नसके पनि उत्कृष्ट खेल देखाएको नेपाली महिला टोली आज स्वदेश फर्किएको छ । अखिल नेपाल फुटबल संघ एन्फा ले यू १९ टोली शुक्रबार साँझ नेपाल आईपुगेको जानकारी दिएको छ । च्याम्पियनसिपमा नेपाल फाइनलमा नपुगे पनि तेस्रो स्थान ओगट्न सफल भएको थियो ।
उपाधीका लागि असफल भए पनि नेपालले फेयर प्ले अवार्ड भने पाएको थियो । च्याम्पियनसिपको उपाधि भने भारतलाई पराजित गर्दै आयोजक बंगलादेशले जितेको थियो । फाइनलमा भारतलाई एक शुन्य गोल अन्तरले पराजित गर्दै बंगलादेश च्याम्पियन बन्न सफल भएको थियो ।
