एसियन सिनियर सेन्ट्रल जोन पुरुष तथा महिला भलिबल च्यालेन्ज कपको पहिलो खेलमा नेपाललाई आधा खुशी आधा दुःख मिलेको छ । पुरुष टोली बंगलादेश संग पराजित हुदा महिला टोलीले भने श्रीलंकालाई पराजित गरेको छ । बंगलादेशको ढाकामा आज भएको पुरुष तर्फको खेलमा नेपाल आयोजक बंगलादेशसँग तीन शुन्यको सोझो सेटमा पराजित भएको हो।
नेपाल २५- १७, २५-१७ र २५-१९ को सेटमा पराजित भएको हो । नेपालले अब आफ्नो दोस्रो खेलमा उज्वेकिस्तानसँग शुक्रबार प्रतिष्पर्धा गर्नेछ । त्यस्तै नेपालले तेस्रो खेलमा शनिबार श्रीलंका र अन्तिम खेलमा आइतबार माल्दिभ्स संग प्रतिष्पर्धा गर्नेछ । महिलातर्फ भने नेपालले आज विजयी सुरुवात गरेको छ । नेपालले श्रीलंकालाई तीन दुईको सेटमा पराजित गरेको हो ।
