काठमाडौं ८ पौष । नेपाली कांग्रेसको प्रदेश २ मा नेतृत्व चयनका लागि मतदान सुरु भएको छ । आज बिहिबार बिहान ८ बजेबाट हुने भनिएको मतदान अहिले केहि बेर अगाडी मात्र सुरु भएको हो ।
निर्वाचन समितिले दिएको जानकारी अनुसार जनकपुरधामस्थित गोपाल धर्मशालामा मतदान शुरु भएको छ । सहमतिमा नेतृत्व चयन गर्न नसकेपछि निवार्चन गरिएको हो ।
संस्थापन पक्षबाट रौतहटका सभापति कृष्ण यादवको नेतृत्वमा प्यानल र र्को पक्षले कांग्रेस प्रदेश नं २ संसदीय दलका नेता रामसरोज यादवको नेतृत्वमा प्यानल चुनावी मैदानमा उत्रिएको छ ।
प्रदेशको कुल आठ जिल्लाका ६४ प्रदेश निर्वाचन क्षेत्रबाट २५ गरी दुई हजार मतदाता रहेको प्रदेश २ मा ७२ पदमा लागि १७४ जनाले उम्मेदवारी दिएका छन् ।
