काठमाडौं ७ पौष । प्रतिनिधिसभाको बैठक आज दिउँसो १ बजे बस्ने भएको छ । मंगलबार प्रमुख प्रतिपक्षी दल नेकपा एमालेले संसद बैठक अवरुद्ध गरेपछि दुई वटा विधयेक पास गरी बैठक स्थगित भएको थियो ।
संसद बैठक अगाडी अहिले ११ बजे सभामुख अग्निप्रसाद सापकोटाले कार्यव्यवस्था परामर्श समितिको बैठक बोलाएका छन् । आजको कार्यव्यवस्थाको बैठकले संसद बैठकमा प्रस्तुत् हुने कार्यसुची तय गर्ने भएको छ ।
साथै केही अध्यादेशहरु स्वीकृत गर्ने र समितिका सदस्यहरुको नामावली हेरफेर गर्नेबारे छलफल हुने बताइएको छ । कार्यव्यवस्था परामर्श समितिको बैठक एमालेको सहभागिता रहँदै आएको छ ।
तर , एमालेका नेताहरु आफ्नो कुरा अगाडी राखेर बैठकबाट बाहिरिने गरेका छन्। मंगलरबार बसेको कार्यव्यवस्थाको बैठकमा पनि एमालेका प्रमुख सचेतक विशाल भट्टराई, कृष्णभक्त पोखरेल र लालबहादुर थापा भएका थिए ।
बैठकको सुरुमै आफ्नो कुरा राखि बाहिरिएपछि सभामुख सापकोटाले अरुको कुरा पनि सुन्न आग्रह गर्दै अशन्तुष्टि व्यक्त गरेका थिए ।
