ललितपुर ६ पौष । टेको लगाएर राखिएको पुल भाच्चिँदा एक टिपर चालकको ज्यान गएको छ ।
चापागाउँ छम्पी जोड्ने फलामे पुल भाँच्चिएर गाडी ना ८ ख ८१९१ नम्बरको टिपरमा ठोक्किँदा चालकको ज्यान गएको हो । नख्खुबाट टिकाभैरवतर्फ जाँदै गरेको उक्त टिपर चालक दावरी ७ बुरुञ्चुलीका अजय मार्फा रहेका छन् ।
लामो समय देखि टेको लगाएर राखिएको उक्त पुल गुडिरहेको टिपरमा आएर ठोक्किँएको थियो ।
महानगरीय प्रहरी वृत्त चापागाउँले दिएको जानकारी अनुसार घटना लगत्तै घाइते चालकलाई मेडिसिटी अस्पताल लगिए पनि उनलाई चिकित्सकले मृत घोषणा गरेका हुन् ।
