काठमाडौं ४ पौष । राष्ट्रिय प्रजातन्त्र पार्टीका नेता कमल थापाले राजनीतिक दल र आम जनताको बिश्वास नै राजसंस्था पुनस्स्थापनाको एकमात्र बाटो भएको बताएका छन् । नेता थापाले ट्वीटर मार्फत आइतबार यस्तो टिप्प्णी गरेका हुन् ।
बिदेशी गुहारेर,दलको आन्तरिक मामिलामा हस्तक्षेप गरेर र राजनीतिक दलहरू विरुद्ध घृणा फैलाएर राजसंस्था नफर्कने बताएका उनले सडकमा अस्थिरता खडागरेर राजसंस्था फर्काउन सकिन्छ भन्ने ‘निर्मल निवास’को सोचाई गलत र प्रत्युत्पादक भएको बताएका छन् ।
थापाले पुर्व राजा ज्ञानेन्द्र शाहलाई लक्षित गर्दै भनेका छन्, ‘सडकमा अस्थिरता खडागरेर राजसंस्था फर्काउन सकिन्छ भन्ने ‘निर्मल निवास’को सोचाई गलत र प्रत्युत्पादक छ’ ।
थापाले लेखेका छन् , ‘राजनीतिक दल र आम जनताको बिश्वास नै राजसंस्था पुनस्स्थापनाको एकमात्र बाटो हो।बिदेशी गुहारेर,दलको आन्तरिक मामिलामा हस्तक्षेप गरेर र राजनीतिक दलहरू विरुद्ध घृणा फैलाएर राजसंस्था फर्कदैन।सडकमा अस्थिरता खडागरेर राजसंस्था फर्काउन सकिन्छ भन्ने ‘निर्मल निवास’को सोचाई गलत र प्रत्युत्पादक छ’।
