सहिद स्मारक ए डिभिजन लिगमा जावलाखेल युथ क्लबले पहिलो जित दर्ता गरेको छ । आज भएको खेलमा जावालाखेलले च्यासल युथ क्लबविरुद्ध १–० गोलको जित निकालेको हो । जावलाखेलले पाँचौं चरणमा पहिलो जित निकाल्न सफल भएको हो । जावलाखेलको लागि विदेशी खेलाडी निकोलस फर्नान्डेजले गरेको गोल नै निर्णायक गोल बन्न पुगेको थियो ।
उनले ३७ औं मिनेटमा गोल गरेका थिए । उनको गोल लिगमा जावलाखेलका लागि पहिलो गोल समेत बनेको छ । च्यासलका डिफेन्डर केचा यानिक गल्तीको फाइदा उठाउँदै ओनगना एन जुनियरको पासमा निकोलसले उत्कृष्ट फिनिस गरेका थिए ।
च्यासल ५ खेलबाट ४ अंक रहेको छ भने पहिलो जित निकालेको जावलाखेलको समेत ४ अंक पुगेको छ । च्यासलसंगै समान ५ खेलमा ४ अंक रहेको जावलाखेल १० औं स्थानमा उक्लिएको छ भने च्यासल ११ औं स्थानमा रहेको छ ।
