काठमाडौं, २ पुस । नेपाली कांग्रेसको जारी महाधिवेशन अन्तर्गत सहमहामन्त्रीमा सभापति शेरबहादुर देउवा पक्षले ८ मध्ये ६ समूहमा जित हात पारेको छ ।
शुक्रबार सकिएको सहमहामन्त्रीको मतगणना अनुसार ८ मध्ये महालक्ष्मी उपाध्याय (डिना), भीष्मराज आङ्देम्बे, किशोर सिंह राठौर, फरमुल्लाह मन्सुर, महेन्द्र यादव र उमाकान्त चौधरी विजयी भएका छन् ।
पिछडिएको समूहबाट बद्री पाण्डे र दलित समूहबाट जीवन परियार विजयी भएका छन् । उनीहरु दुई जना भने सभापतिमा पराजित शेखर कोइराला प्यानलका हुन् ।
