काठमाडौं २ पौष । नेपाली कांग्रेसको उपसभापतिमा निर्वाचित भएका नेता धनराज गुरुङले सभापति शेरबहादुर देउवाले दोस्रो इनिङमा शतक नहानेपनि अर्धशतक बनाउने बताएका छन् ।
शुक्रबार काठमाडौंमा आयोजित एक कार्यक्रममा उपसभापति गुरुङले यस्तो बताएका हुन् ।
‘हाम्रो शेरबहादुर देउवाज्यूको पहिलो इनिङ्स त्यति राम्रो हुन सकेन । दोस्रो इनिङ्समा हामी पनि ब्याट्सम्यान छौँ । आशा गरौँ, हाम्रो सभापति सेञ्चुरी नहाने पनि हाफ सेञ्चुरी पक्कै हान्नुहुनेछ’ उनले भने ।
अहिले आफुहरु निर्णायक ठाउँमा पुगेको बताएका उनले पार्टी विधि र पद्धतिअनुसार चल्नुपर्ने बताएका छन् ।
आफ्नो समुहले ४० प्रतिशत लोकप्रिय मत पाएको बताएका उनले ४० प्रतिशत भागबण्डा पाउँ भनेर हात नथाप्ने बताएका छन् ।
