काठमाडौं २९ मंसिर । नेपाली कांग्रेसका नेता डा मिलेन्द्र रिजालले आफुहरुको विचारको जित भएको बताएका छन् ।
बुधबार महाधिवेशन प्रतिनिधिलाई धन्यवाद दिन आयोजना गरेको शेखर समुको एक कार्यक्रममा नेता रिजालले सभापतिमा शेखरको हार भएपनि विचारको जित भएको बताएका छन् ।
‘जित हार महत्वपूर्ण होइन, नेपाली कांग्रेसको अनुहार कस्तो देखिन्छ, त्यो महत्वपूर्ण हो ’ उनले भने । उक्त कार्यक्रममा उनले सभापति पदमा निवार्चित भएका शेरबहादर देउवालाई समेत बधाई दिएका छन् ।
रिजाल शेखर समुहबाट महामन्त्रीका उम्मेदवार हुन् । आज उपसभापतिको मात्र मतगणना हुने भएको छ । उपसभापतिको मतगणना पछि मात्र महामन्त्रीको गणना हुने भएको छ ।
