पहिलो खेल बराबरी खेलेको नेपालले साफ यू १९ महिला फुटबल च्याम्पियनसिपको दोस्रो खेलमा भोलि श्रीलंकासँग प्रतिस्पर्धा गर्दैछ । बंगलादेशको ढाकास्थित विर श्रेष्ठ शहिद सिपाही मुस्तोफा कमल स्टेडियममा नेपालले श्रीलंका विरुद्ध दिउँसो पौने ३ बजे प्रतिष्पर्धा गर्ने भएको छ । श्रीलंकाविरुद्ध मैदान उत्रदा नेपाल पहिलो जितको खोजीमा हुनेछ ।
पहिलो खेलमा नेपालले उपाधि दाबेदार बंगलादेशसँग गोलरहित बराबरी खेलेको थियो । नेपाल १ खेलमा १ अंक जोडेर अंक तालिकाको चौंथो स्थानमा रहेको छ । श्रीलंका भने अंक विहीन रहेको छ । श्रीलंकाले २ खेलमा कुनै पनि अंक बटुल्न सकेको छैन । च्याम्पियनसिपको तेस्रो नेपालले भुटानविरुद्ध डिसेम्बर १७ र अन्तिम खेल भारतविरुद्ध डिसेम्बर १९ मा खेल्नेछ। आयोजक बंगलादेशसहित नेपाल, भुटान, भारत र श्रीलंकाले सहभागिता जनाएका छन् ।
