जर्मन क्लब बायर्न म्युनिखका स्ट्राइकर रोबर्ट लेवान्डोस्कीले गोल्डेन प्लेयर अवार्ड प्राप्त गर्न सफल भएका छन् । इटालियन न्युज पेपर टुट्टोस्पोर्ट्सले गोल्डेन प्लेयर अवार्ड प्रदान गर्दै आएको छ । लेवान्डोस्कीले यहि अवार्ड जित्न सफल भएका हुन् । टुट्टोस्पोर्ट्सले आयोजना गरेको भोटिङमा उनले सर्वाधिक भोट प्राप्त गरेका थिए । त्यहि सर्वाधिक भोट संगै लेवान्डोस्कीले यस अवार्ड जितेका हुन् ।
सन् २०२० र २१ को सिजनमा युरोपियन फुटबलमा उनले उत्कृष्ट प्रदर्शन गरेका थिए । उनले सर्वाधिक गोलकर्ता बन्दै गोल्डेन शु अवार्ड समेत जित्न सफल भएका थिए । लेवान्डोस्कीले गत सिजन बुन्डेसलिगामा २९ खेलमा ४१ गोल गरेका थिए । ३३ वर्षीय लेवान्डोस्कीको उत्कृष्ट प्रदर्शनले बायर्न बुन्डेसलिगा च्याम्पियन बन्न सफल भएको थियो ।
