काठमाडौं २२ मंसिर । नेकपा एमालेको दोस्रो केन्द्रिय कमिटिको बैठक भक्तपुरमा बस्ने भएको छ ।
एमाले केन्द्रीय कार्यालय सचिव शेरबहादुर तामाङले दिएको जानकारी अनुसार आज बैठक भने भक्तपुरको गट्ठाघरस्थित जर्मन होममा बस्ने भएको छ ।
यही मंसिरमा भएको एमालेको दसौँ राष्ट्रिय महाधिवेशनले अध्यक्ष केपी शर्मा ओलीको नेतृत्वमा ३०१ सदस्यीय केन्द्रीय कमिटी निर्वाचित गरेको थियो ।
बैठकमा स्थायी कमिटी गठन, पोलिटब्यूरो गठन, विभिन्न विभाग गठनलगायत एजेन्डा रहने भएको छ ।
यस भन्दा अघि एमालेको बैठक ललितपुरस्थित तुलसीलाल स्मृति प्रतिष्ठानमा बस्ने गरेको थियो ।
