बिग बोस १५ मा तीन जना पुर्व प्रतिष्पर्धीहरु रश्मि देसाई, देबोलीना तथा राखी सावन्तले धमेकदार प्रबेश लिएका छन् । तर शो मा प्रबेश गर्नु भन्दा पहिला देबोलीनाले शमितालाई टार्गेट बनाईरहेको देख्न सकिन्छ । शो मा आउने बित्तिकै देखी शमितालाई भड्काउन तथा तल खसाउन देबोलीनाले कुनै कसर छोडेकी छैनन् ।
शो को आउने एपिसोडमा शमिताका लागि देबोलीनाको अत्याचार सलमान खानलाई नपचेपछि उनले राम्रो संग झपारेका छन् । शो को प्रोमो भिडियोमा देखाइएको छ कि आईतबारको एपिसोडमा एक टास्कको दौरान देबोलीना तथा शमिता बीच बहस नै छेडिएको छ । टास्कका प्रतिष्पर्धीहरुलाई ति घरवालाहरुको लागि स्लोगन पढ्न भनिएको थियो जो आफुलाई मन परेको छैन ।
देबोलीनादे शमिताको लागि श्लोगन पढ्दै कमेन्ट पास गर्दै भन्छिन्– शमिता हो जो बाहिर बाट हिरा भित्रबाट किरा । देबोलीनाको यो स्लोगन सुनेपछि शमिता एकदमै भड्किएकी छिन् । त्यसपछि उनले पनि आफ्नो पालोमा भन्छिन्–आफैलाई नसंझि सबै भन्दा टप देबोलीना, तिमी हौ सबैभन्दा फ्लप । देबोलीना पनि शमिताको स्लोगन प्रति रिसले चुर हुन्छिन् ।
साथै उनले रिसाउँदै किराको जस्तो एटिट्युड बल्ल बाहिर आईरहेको बताउँछिन् । सलमान खानले यहि सुनेर देबोलीनालाई साफ हप्काएका छन् । घरमा आए देखी शमिताको खेदो खनेर लागेको भन्दै सलमानले गाली गरेका हुन् । उनले आफु नोटिस हुनका लागि यो सबै गरिरहेको भन्दै यसो गर्नु गलत रहेको बताएका छन् ।
