सलमान खान तथा आयुष शर्मा स्टारर फिल्म अन्तिम : द फाइनल ट्रुथ २६ नोभेम्बरमा रिलिज भयो । एक्सन तथा ड्रामाले भरिपुर्ण यस फिल्मको प्रतिक्षा धेरै दर्शकलाई थियो । सलमान खानले फिल्म अन्तिमका लागि प्रचार प्रसार पनि एकदमै राम्रो खटेर गरेका थिए । उनको फिल्मलाई लिएर सबैले राम्रो कमाई गर्छ भन्ने आशा थियो । तर यो फिल्मले आफ्नो पहिलो दिनमा कलेक्सन खराब गरेको छ ।
सलमान खानको एकदमै जबरजस्त फ्यान फलोइंग रहेको छ तर पनि फिल्मले सिनेमाघरमा राम्रो ब्यापार गर्न सकेन । सलमानको यो फिल्मले बक्स अफिसमा राम्रै तहल्का पिट्ने अनुमान गरिएको थियो । तर यस फिल्मले आफ्नो पहिलो दिनमा राम्रो कमाल देखाउन सकेन । फिल्मको बारेमा दर्शकको राम्रो समिक्षा भए पनि कलेक्सन एकदमै कमजोर देखिएको हो ।
बक्स अफिस इण्डिया वेबसाइटका अनुसार फिल्म अन्तिमले ४ करोड २५ लाख देखी ४ करोड ५० लाख सम्मको कलेक्सन आफ्नो पहिलो दिनमा गरेको छ । तर फिल्म विकेण्डमा एकदमै राम्रो कलेक्सन गर्न सक्ने अनुमान गरिएको छ । यस फिल्ममा सलमान खानले एक सिख पुलिसवालको भुमिका निर्बाह गरेका छन् । यसपटक फिल्ममा आफ्नो ज्वाँई आयुष शर्मा संग सलमानले काम गरेका छन् । आयुषले यस फिल्ममा एक ग्यांगस्टारको रोल खेलेका छन् ।
