बलिउड सुपरस्टार सलमान खान एक पटक फेरी ठुलो पर्दामा धुम मच्चाउन आएका छन् । सलमान खान तथा आयुष शर्मा स्टारर फिल्म अन्तिम : द फाइनल ट्रथ २६ नोभेम्बर देखी सबै सिनेमाघरमा रिलिज भएको छ । लामो समय देखी यो फिल्मको प्रतिक्षा सबै दर्शकहरुलाई रहेको थियो । जब फिल्म पर्दामा लाग्यो त्यहाँ बाट सामजिक सञ्जालमा दर्शकको प्रतिक्रिया पनि आउन सुरु गरेको छ ।
ट्वीटरमा फिल्म अन्तिमको एकदमै धेरै चर्चा परिचर्चा सुरु भएको छ । महेश मांजरेकरको निर्देशनमा बनेको अन्तिम ले फ्यान तथा दर्शकको मन जितेको छ । सलमान खान यो फिल्ममा सरदार पुलिसवाल राजबीर सिंहको भुमिकामा देखिएका छन् । सलमानको लुक्स र उनको कामलाई दर्शकले एकदमै मन पराएका छन् ।
सलमान खान संग पहिलो पटक उनको ज्वाई आयुष शर्माले काम गरेका हुन् । आयुष पहिलो पटक ग्यांगस्टारको भुमिकामा देखिएका छन् । आयुषको पनि सामाजिक सञ्जालमा एकदमै तारिफ भईरहेको छ । टेलिभिजन अभिनेत्री महिमा मकवानाले बलिउडमा यहि फिल्म मार्फत डेब्यु मारेकी छिन् ।
उनको तथा आयुषको स्क्रीन जोडी फ्यानहरुलाई एकदमै मन परेको छ । दर्शकहरुले यस फिल्मलाई लिएर सकरात्मक प्रतिक्रिया दिएका छन् । एकदमै राम्रो फिल्म , पैसा असुल गर्ने खालको , सरदारको रुपलाई सधै दर्शकले याद गरिरहनेछन् जस्ता प्रतिक्रियाहरु आएका छन् ।
