काठमाडौं-बिहीबार नेपाली बजारमा सुनको मूल्य बढेको छ । नेपाल सुनचाँदी व्यवसायी महासंघका अनुसार आज बिहीबार सुनको मूल्य तोलामा ७०० रुपैयाँले बढेको छ । यो मूल्य पछिल्ला केही महिना यताकै उच्च हो । आज छापावाल सुनको मूल्य वृद्धि हुँदै सुन अधिकतम ९४ हजार २०० रुपैयाँ मा पुगेको छ ।

महासंघका अनुसार आज तेजाबी सुनको मूल्य समेत अधिकतम ९३ हजार ७०० रुपैयाँ पुगेको छ । चाँदीको मूल्य भने गत तीन दिन यता स्थिर रहेको छ । आज चाँदी प्रतितोला एक हजार ३५० रुपैयाँ कायम रहेको सुनचाँदी महासंघले जनाएको छ ।