सहिद स्मारक ए डिभिजन लिग फुटबल अन्तर्गत आज पहिलो चरणको अन्तिम खेलहरु हुदैछन् । आज दुई खेलहरु हुँदैछन् । त्रिपुरेश्वरस्थित दशरथ रंगशालामा हुने पहिलो खेलमा दुई बिभागीय टोलीले भिड्दैछन् । त्रिभुवन आर्मी क्लब र नेपाल पुलिस क्लबबीच प्रतिस्पर्धा हुनेछ।
आर्मी र पुलिसबीचको विभागीय डर्बी खेल दिउँसो १ बजे सुरु हुने बताइएको छ। दशरथ रंगशालामा आज हुने खेलमा दुबै टिम जितको खोजीमा हुनेछन् । आर्मी भरत खवास र पुलिस राम बाजीको कप्तानीमा मैदान उत्रदैछ ।यस्तै दोस्रो खेलमा साविक विजेता मछिन्द्र एफसीको न्युरोड टिम एनआरटीले सामना गर्नेछ । मछिन्द्र र एनआरटीबीचको खेल पौने ५ बजे मात्र सुरु हुनेछ।
