एजेन्सी बलिउड अभिनेता ऋतिक रोशनकी पूर्वपत्नी सुजैन खान पछिल्लो समय प्रेममा परेको खबरले बलिउड गर्माएको छ । भारतिय मिडियाका अनुसार सुजैन कलाकार अर्सलान गोनीको प्रेममा परेकी हुन् ।
ऋतिककी पूर्वपत्नी सुजैनले मंगलबार आफ्नो ४३औं जन्मदिनमा गोनीलाई सहभागी गराएर सँगै केक काटेपछि यस विषयले थप चर्चा पाएको हो । जन्मदिनमा सुजैन र अर्सलानले एकसाथ केक काटेको भिडिओ सार्वजनिक भएको हो।
गोनीले जन्म दिनको शुभकामना दिँर्द लेखेका छन् ‘ह्याप्पी बर्थ डे डार्लिङ। म प्रार्थना गर्छु– तिम्रो यो वर्ष शानदार होस्। जिन्दगीमा मेरो उत्कृष्ट दिलसँग भेट भएको छ। तिमीले जे चाहेकी छौ, ती सबै पूरा होउन्, भगवानसँग प्रार्थना गर्छु। धेरै धेरै प्रेम।’
सुजैनले पनि त्यसमा प्रतिक्रिया दिँदै ‘मेरो सबै थोक’ भनेर लेखेकी छन्। गोनीले केही चलचित्रमा अभिनय गरेका छन्। अभिनेता ऋतिक रोशन र सुजैनबीच सन् २०१४ मा सम्बन्ध विच्छेद भएको हो।
