एजेन्सी-बलिउड नायिका प्रियंका चोपडाले दीपावली भव्य रुपमा मनाएकी छन् । उनले पति निक सँगै दिपावलप् मनाएकी हुन् । बिहेपछि आफ्ना पतिसँगै अमेरिकामा बस्न थालेकी उनले आफ्ना पतिसँगै दिपावली गरेको तस्बिर सामाजिक सञ्जालमा हालेपछि उनको धेरैले संस्कृति र संस्कार नभुलेको भन्दै तारिफ गरेका छन् ।
अमेरिकामा बस्न थालेकी उनले त्यहा बसेपनि चाडपर्वहरू भव्य रुपमा मनाउने गरेकी छिन् । यस तस्बिरमा प्रियंकाले पहेँलो रंगको साडी लगाएकी छिन् भने निकले सेतो रंगको कुर्ता पाइजामा लगाएका छन् । हातमा पूजाको थाली लिएर दुबैले लक्ष्मीको पूजा गरिरहेका छन् ।
तस्विरमा दुबै जना सुन्दर देखिएका छन् ।तस्बिर सार्वजनिक गर्दै प्रियंकाले क्याप्सनमा लेखेकी छिन्, ‘या देवी सर्वभूतेषु लक्ष्मी रुपेण संस्थिता, नमस्तस्यै नमस्तस्यै नमस्तस्यै नमो नमः ।’ फ्यानहरूले प्रियंका र निकलाई बधाई दिएका छन् । प्रियंका चाडैं नै अमेजन प्राइमको वेब सिरिज ‘सिटाडेल’ मा देखिनेछिन् । यसरैगी फरहान अख्तरको निर्देशनमा बन्ने ‘जी ले जरा’ मा उनी आलिया भट्ट र कैटरिना कैफसँगै देखिनेछिन् ।
