काठमाडौं १९ कात्तिक । नेपाली कांग्रेसका दोलखा जिल्ला सभापति बर्मा लामा तास खेलिरहेको अवस्थामा पक्राउ परेका छन् । गोप्य सुचनाको आधारमा लामा सहित १८ जनालाई जुवाखालबाट प्रहरीले पक्राउ गरेको हो ।
बौद्धस्थित नयाँ बस्तीबाट सागर लामाको फ्ल्याटमा पक्राउ परेका लामा हालै जिल्ला अधिवेशनबाट सभापति निर्वाचित भएका छन् । उनीहरुको साथबाट प्रहरीले नगद ६ लाख रुपैंया समेत बरामत गरेको छ ।
