काठमाडौं-बलिउड अभिनेता राजकुमार रावले आफू विवाहका लागि तयार रहेको बताएका छन् । हालै एक टेलिभिजन अन्तर्वार्तामा उनले आफूले जीवनसाथी छानिसकेको बताएका छन् । राजकुमारले आफ्नो गर्लफ्रेण्ड पत्रलेखासँग विवाह गर्न लागेका हुन् । ई–टाइम्सका अनुसार राजकुमार र पत्रलेखाले १० नोभेम्वरका दिन विवाह गर्न लागेका हुन् ।
उनले आफ्नो जीवनसाथी विज्ञापनमा देखेपछि मन परेको जनाएका छन् । ‘मैले टिभी हेर्ने क्रममा एक दिन उनलाई विज्ञापनमा देखेँ , त्यसपछि त उनी मेरो मनमा बसिन्’, राजकुमार भन्छन् , ‘अब त उनीसँगै विवाहको तयारी छ । तर, कहिले हुन्छ तय छैन ।’ राजकुमारसँगै अन्तर्वार्तामा रहेकी कृति सेननले आफू भने सिंगल रहेको बताइन् । बलिउड नायक राजकुमार राव र कलाकार पत्रलेखाविच चाडै नै बिहे बन्धनमा बाँधिन लागेको भारतीय मिडियाले उल्लेख गरेका छन् ।
‘विवाहको लागि समय छ । तर, साथी छानिसकेको छुँ’, उनले भने । आफ्नो अभिनयकै कारण दर्शकको मनमा स्थान बनाएका राजकुमारले १० वर्ष तेक्वान्दो सिकेको पनि बताए ।
‘मैले यसलाई फिल्ममा प्रयोग गर्न पाएको छैन । तर, आश छ आउँदा फिल्ममा एक्सन रोल पनि अफर हुनेछन्’, राजकुमारले भने । हालै उनको र कृतिको अभिनय रहेको फिल्म ‘हम दो हमारे दो’ प्रदर्शन भएको छ । ओटीटीमा रिलिज भएको फिल्मले मिश्रित प्रतिक्रिया पाइरहेको छ ।
