आईसीसी टी ट्वान्टी विश्वकप क्रिकेटमा साबिकको बिजेता टोली वेष्ट इण्डिजले लगातार दोस्रो हार ब्यहोरेको छ । दक्षिण अफ्रीकाले आज फेरी वेष्ट इण्डिजलाई पराजित गरेको हो । यसअघि तार दोस्रो हार हो । वेस्ट इन्डिजलाई इंग्ल्यान्डले यसअघि ६ विकेटले हराएको थियो । दक्षिण अफ्रीकाको भने आज पहिलो जित रहेको थियो । दुबईमा आज भएको खेलमा साविक विजेता वेस्ट इन्डिजलाई ८ विकेटले पराजित गर्दै दक्षिण अफ्रीकाले पहिलो जित निकालेको हो ।
दक्षिण अफ्रिकालाई वेस्ट इन्डिजले १ सय ४४ रनको लक्ष्य दिएको थियो । तर दक्षिण अफ्रीकाले १८ ओभर २ बलमा २ विकेट गुमाएर लक्ष्य पूरा गर्यो ।दक्षिण अफ्रीकाको जितमा एडिन मार्क्रमले अविजित रहदै ५१ रनको अर्धशतकीय इनिङ्स खेले । रस्सी भान डेर डुसेनले अविजित ४३ , हेन्ड्रिक्सले ३९ रन जोड्दा कप्तान टेम्बा बाभुमा २ रनमा आउट भए ।वेस्ट इन्डिजकका अकिल होसेनले १ विकेट लिए ।यस अघि पहिले ब्याटिङ गरेको वेस्ट इन्डिजले २० ओभरमा ८ विकेट गुमाएर १ सय ४३ रनको योगफल तयार पारेको थियो ।
वेस्ट इन्डिजका इभिन लेविसले ५६ रनको अर्धशतकीय इनिङ्स खेले । केइरन पोलार्डले २६ रन जोड्दा लेन्डल सिमोन्सले १६ रन जोडे पनि जित निकाल्न सकेनन्। दक्षिण अफ्रीकाका ड्वाने प्रिटोरिउस एकलैले ३ विकेट लिए । केशव महाराजले २ विकेट लिए । जितसँगै दक्षिण अफ्रीकाले २ खेलमा २ अंक जोडेको छ ।
