काठमाडौं, ९ कात्तिक । रणवीर कपुरको हिट फिल्मको लिस्टमा माथि आउने नाम हो, रकस्टार । यो फिल्मबाट उनले दर्शकको माया त पाएनै अवार्ड पनि पाए । बर्फी, रकस्टार जस्ता फिल्मले रणवीरको क्रेजलाई धेरै नै बढाउन सहयोग गर्यो । रकस्टारको कुरा गर्ने हो भने यसलाई इम्तियाज अलिले निर्देशन गरेका हुन् । फिल्मममा रणवीरले गायकको भूमिका निर्वाह गरेका थिए, जसलाई निकै रुचाइयो ।
यिनै रणवीरसँग त्यसपछि इम्तियाजले काम गरेको फिल्म ‘तमासा’ हिट हुन सकेन । फिल्म पारखी केहीले यसलाई आउटस्ट्यान्डिङ भने पनि यसलाई आमदर्शकले रुचाएनन् । त्यसपछि यी दुईको सहकार्य भएन । इम्तियाजले शाहरुख खानसँग ‘जब ह्यारी मेट सेजल’, कार्तिक आर्यन र सारा अलि खानसँग ‘लभ आजकल’ को निर्देशन गरे । तर, दुई फिल्म नै बक्स अफिसमा सफल हुन सकेन ।
त्यसैले यतिबेला इम्तियाजले रनबीरलाइ दुई फिल्म अफर गरेका छन् । उनले स्क्रिप्टमा काम गरिरहेको फिल्ममध्ये एक संगीतकार अमरसिंह चम्किलाको जीवनीमा आधारित छ भने अर्को सोसल ड्रामा रहेको बताइएको छ । संगीतकार चम्किलाको लाइफ नै कन्ट्रोभर्सियल रहेको थियो भने सोसल ड्रामा बढ्दो आत्महत्यामा आधारित हुनेछ ।
इम्तियाजले दुवै रोललाई रणवीरले न्याय गर्ने भन्दै स्क्रिप्ट दिएका छन् । ुसंजुु पछि आफ्नो करियरलाई माथि पुर्याउने फिल्म छानिरहेका रणवीर र केही समययता दर्शकको विश्वास जित्न नसकेका इम्तियाजबीचको सहकार्यको पर्खाइ दर्शकलाई पनि उत्तिकै छ ।
