नेपाली गायन क्षेत्रमा अहिले चलेका आवाजहरु गायिका एलिना चौहान, रचना रिमाल , समिक्षा अधिकारी लगायतको रहेको छ । उनीहरुलाई अहिले गीत गाउन भ्याई नभ्याई रहेको छ । यिनै मध्ये अझै बढी ब्यस्त देखिएकी गायिका हुन् एलिना चौहान । उनको फरक शैलीको गायन तथा स्वरका कारण दर्शक तथा स्रोताहरुले अत्यन्तै मन पराएका छन् ।
अहिले सम्म दर्जनौ हिट गीत दिईसकेकी एलिनाले बजारमा फेरी नयाँ गीत ल्याएकी छिन् । एलिनाले तिहारलाई लक्षित गरेर तिहार विशेष गीत बजारमा ल्याएकी हुन् । ‘मेरो प्यारो भाइ’ बोलको गीत यो वर्षको तिहारका लागि एलिनाले ल्याएको निर्माण पक्षले जनाएको छ । यस गीतको रचना लेखु सहयात्रीले गरेका छन् भने संगीत पनि उनकै रहेको छ ।
संगीत संयोजनको काम बिशन आचार्यले गरेका छन् भने मिक्सिङ सजन शाहले गरेका छन्। चौहानसँगै स्मारिका ढकाल, समारिका ढकाल, प्रतिक सुनुवार र सुगम श्रेष्ठले यस गीतमा अभिनय गरेका छन् । म्युजिक भिडियोको निर्देशन विक्रम चौहानले गरेका छन्।
